Здарво на сите WP корисници, и цел Macedonian WP Team. Пред неполн час од страна на сопственичката на Археоблогот, како член на Macedonian WP Team, и како корисник на WP платформа бев официално замолен за помош во “реновирање” на нејзиниот блог. Нов изглед, и се попратно со самиот изглед.
Доколку има заинтересирани, WP корисници, дизајнери, кодери, кои имаат барем малку слободно време и добра душа за помош, сите тие се добредојдени. Добредојдени се и било какви идеи кој би помогнале во подобар изглед и преформанси на блогот.
За контакт со сопственичката овде, и секако коментарите кои се добредојдени.
Изгледа дека има голем проблем, бидејќи и јас бев (посебно) контактиран.
Очигледните прашања се:
- Кои се верзиите на двата блога
- Дали има (администраторски) достап до MySQL базите
- Дали е пробано со стандардниот export/import на WordPress
Сеуште не добив одговор на емаил, но можеби овде ќе добиеме.
Значи од Блогер мк не може да се импортираат постови во вордпрес, а и башка тоа е мулти платформа и нема пристап до базите… значи првиот блог не е вордпрес…
Ова со експорт/импорт на бази не ми е доволно јасно, бидејќи сега го усовршувам, но доколку има барем некој начин на кој би можеле да ги импортираме податоците, можно е некој до Блогер мк да ги експортира.
Ви благодарам на сите за помошта. Најголемиот проблем со постовите кои се наоѓаат на Блогер Мк (а се преку 700), е тоа што платформата е комплетно падната. Не можам никако да го исконтактирам админот, за да прашам дали има некаков, било каков бек ап на податоците. Исто така не сум во можност да пристапам во администраторската папка на блогот, и со тоа постовите ми се заглавени. Па дури и рачно да ги преместувам од самиот блог (т.е. копирам) пак би било прилично сложено.
Аха! Сега капирам: значи од блогер мк треба да се префрли во WP.
Ок, за се` има решение, па и за ова.
1.
Прво си помислив да се исчита RSS фидот и да се наполни некоја привремена база од која би се префрлило во wp. Но, фидот дава само неколку последни постови. Гледам дека е сервисот напишан во php, но не знам дали може да се допише некој параметар да ги даде сите содржини. Ако се работи за Magpie rss, веројатно може. Ова треба да се испита…
2.
Но, како што ми изгледа, најверојатно ќе биде потребно да се напише page scraper за да се „изгребат“ постовите директно од блогот. Т.е. да модифицирам некој од моите постоечки scraper-и. Притоа треба да се хакира енџинот на bloger.com.mk за да ги „врти“ страниците, бидејќи нема начин да се прикажат сите постови одеднаш.
Содржината оди во привремена база, а оттаму е лесно да се уфрли во wp.
Ако некој има друг предлог, кажувајте. Ако не, викендов ќе се зафатам со работа.
И уште нешто.
Гледајќи го сорсот на bloger.com.mk (зошто ли е само едно „g“?), видов дека страниците се во windows-1251 енкодирање!
Кој ли само го правел и го мислел?